Қазақстанның ұлттық батырларына арналған зират құрылысына 79 млрд теңге бөлінеді

18 Мая 2016 2325 Қазақстан, ұлттықбатырлар, зират

Алматы. 18 мамыр. Ақпараттар орталығы. Қазақстанның Ұлттық Пантеонының құрылысы жобасының технико-экономикалық негідемесінің құны жетпіс тоғыз миллиард теңгені құрайды. «Астана» телеарнасының ресми сауалына берген елорда әкімдігінің жауабында осындай мәліметтер келтірілген.

Халықаралық үздік эскиз идеясы конкурсын «ҚазГор» Жобалық академия» ЖШС жеңіп алды. Елорда аумағына тоғыз мыңдай гектар жер учаскесі қосылады. Және Ұлттық пантеон үшін Қабанбай батыр селолық округінен жер бөлінген, ол Астанадан 17 шақырым жерде орналасқан. Оның алаңы мыңға жуық гектарды алып жатыр. Пантеонда мемлекеттің, ғылымның, мәдениеттің көрнекті қайраткерлері жерленетеін зират тұрғызылады.

Сонымен қатар, Астанада жаңа зират құрылысы жоспарлануда. Онда мұсылмандар мен христиандарды жерлейтін бөлек орындар болады және мемориалды парк тұрғызылады деп жоспарланған. Әкімдік ақпарынша, оған 460 гектар жер берілген. Бұл ретте бірінші кезектегі зират алаңының құрылысы жүз гектардан астам жерді алып жатыр. Оған шамамен 12 млрд теңге жұмсалмақ», - деді біздің телеарнаға қалалық әкімдіктен.

Шыңғыс Бектемір, Астана қаласының Жер қатынастары және жердің пайдаланылуы мен қорғалуын бақылау басқармасының жер кадастры бөлімінің басшысы: "Бүгінгі таңда қоғамдық кеңес өтті. Оң қорытынды алынды. 26 мамырда Астана қаласына кезекті сессияға шығару жоспарлануда, соның қорытындысы бойынша барлық материалдар Ақмола облысына келісуге жіберіледі. Бұл Астана қаласы әкімдігінің біріккен қаулысы мен мәслихат шешімі".

Сонымен қатар, Шыңғыс Бектемір елордалық халықаралық әуежайдың территориясы да біршама кеңейтілетінін түсіндірді. Әуежай алаңының қайта құрылысы мен ұшу жолағын кеңейтуге қосымша жер учаскелері бөлінеді. Жалпы астананың алаңы 71 мың гектарды құрайтын болады, қосылған жер учаскелерін есептегенде ол 80 мыңға ұлғайды.

Шыңғыс Бектемір, Астана қаласының Жер қатынастары және жердің пайдаланылуы мен қорғалуын бақылау басқармасының жер кадастры бөлімінің басшысы: "Астана халықаралық әуежайы» АҚ, «Эйр Астана Қазақстандық іскери авиация орталығы» жер учаскелері бөлінген. Атап айтсақ, әуежайдың артында Майбалақ көлі орналасқан. Соған байланысты оны Астана қ. аумағына қосу туралы шешім қабылданды. Сонымен көлді қосқанда барлығы 7300 га құрайды"